Sailburuordetzak bere arlo funtzionalari esleitutako kudeaketa-politikak definitzen ditu, helburu estrategikoak garatzen ditu eta eragin soziala aztertzen du. Halaber, helburuetan behar diren doikuntzak eta garapenak egiten ditu. Estatuko, autonomia-erkidegoetako eta foru-aldundietako organoekin eta toki-entitate eskudunekin, gaiaren araberako harremanak izaten ditu. Europako eta nazioarteko erakunde publiko nahiz pribatuekiko harremanak eta lankidetza sustatzen ditu eta sailburuordetzaren mendeko zuzendariek emandako ebazpenen aurka jarritako errekurtsoak ebazten ditu. Orobat, bere jardun-arloetan, Euskal Autonomia Erkidego aurrekontu orokorretan esleitutako diru-laguntza izendunak ematen ditu.