Idazkari nagusi gisa, Eusko Jaurlaritzaren Kanpo Harremanak planifikatzeaz eta sustatzeaz arduratzen naiz, eta ordezkaritzak koordinatzen ditut. Nire eginkizun nagusiak, funtsean, Jaurlaritzari kanpo ekintzaren arloan babesa eta aholkularitza eskaintzea, atzerriko pertsona garrantzitsuek Euskadin eta Euskadikoek atzerrian gauzatzen dituzten misioak antolatzea eta mugaz eta eskualdez gaindiko lankidetza harremanak garatzea dira. Eusko Jaurlaritzak nazioarteko erakundeekin eta kontsulatuekin dituen harremanak ere nire eguneroko lana dira.