Gudari eta milizianoei omenaldia

Nerea Melgosa Berdintasun, Justizia eta Gizarte Politiketako jarduneko sailburua eta Aintzane Ezenarro, Gogora Memoriaren, Bizikidetzaren eta Giza Eskubideen Institutuko jarduneko zuzendaria erakunde historikoek urtero gudari eta milizianoei egiten dien omenaldian izango da. Aurten, bereziki omenduak izango dira, behin Bilbo hiria matxinatuen eskuetan erori ostean, frankismoak exekutatu zituen gudari eta milizianoak.

Gogorak, Bilboko Udalak eta elkarte eta fundazio historikoek eta talde memorialistek antolatu dute ekitaldia, Artxanda mendiko ‘Aterpe 1936’ eskulturaren alboan.

Ekitaldian zehar Ezker Errepublikanoko Manu Angulok eta EAJ-PNVko Ziortza Alvarezek hartuko dute hitza, elkarte eta fundazio historikoetako ordezkari gisa, eta baita exekutatutako gudularien senitartekoek ere.

Lore eskaintza egingo da ondoren.