"Etorkizunerako prestatuak: Erronka globalak, irtenbideak eskualdeka" Foroa

Eusko Jaurlaritzak agintarien Anberesko bilera batean parte hartu du, politikak eta ekintzak bideratzeko gaitasun handiko eskualdeek Europako erabakietan parte hartzea bultzatzeko 

Bihar, ostegunean, Anberesen (Belgika), Marian Elorza Europar Batasuneko eta Kanpo Harremanetako idazkari nagusiak, Iñigo Urkullu Lehendakaria ordezkatuz, Etorkizunerako prestatuak: Erronka globalak, irtenbideak eskualdeka izeneko agintarien bileran parte hartuko du. 

Topaketa hau Jan Jambon buru duen Flandriako Gobernuak antolatu du, eta eskumen politiko zabalak eta ekintzak aurrera eramateko gaitasuna duten Europako hainbat eskualdek parte hartuko dute.

Hain justu ere, prospektiba estrategikoari buruzko askoren arteko ariketa bat partekatzea da Foro honen helburua da, eta, horretaz gain, Europar Batasunak aitortzea eskualde hauek guztiek zeresana izan behar dutela Europako politikak zehazterakoan.