Segurtasun Saileko Berdintasunerako Talde Teknikoaren bilera

Lehendakariorde eta Segurtasuneko sailburuaren kabineteko zuzendari Tatiana González buru dela egingo da asteazkenean, martxoaren 13an, 10:00etan, Segurtasun Saileko Berdintasunerako Talde Teknikoaren bilera. Bileran aztertuko dute Sailean berdintasunaren arloan orain arte gauzatu diren neurrien eragina, eta, horrez gainera, Emakumeak Ertzaintzaren Oinarrizko Eskalako Agente-kategorian sartzeko I. Sustapen Plana 2026 izenekoaren jarraipena egingo dute.

Topaketan izango dira Izaskun Urien Giza Baliabideen zuzendaria, Silvia Palenzuela Komunikazioko zuzendaria eta Malentxo Arruabarrena Polizia eta Larrialdietako Euskal Akademiako Administrazio eta Zerbitzuetako zuzendaria ere, Ertzaintzaren eta Segurtasun Sailaren ordezkariez gainera.