Rodrigo Gartzia buru dela elkartuko da Zibersegurtasunerako Erakunde arteko Mahaia

Rodrigo Gartzia Segurtasuneko sailburuordea buru dela elkartuko da asteazkenean, urtarrilaren 10a, 8:30ean, Zibersegurtasunerako Erakunde arteko Mahaia. Bertan erakunde-maila guztien ordezkariak elkartuko dira zibersegurtasunaren arloko azken berritasunak, Euskadin eragina dutenak, jorratzeko.

Lan-topaketa horretan, Eusko Jaurlaritzaren izenean Javier Diéguez Cyberzaintzaren zuzendari nagusiak, Ertzaintzak eta Gobernantza Publiko eta Autogobernu Saileko Informatika eta Telekomunikazioak Zuzendaritzak ere parte hartuko dute, bai eta hiru foru-aldundietako informatika sozietate publikoek eta hiru hiriburuetako eta Barakaldo, Getxo, Irun, Santurtzi, Portugalete eta Basauriko udaletako arduradunek ere.