#SagarduiTopaketa ekimenaren barruan, Gotzone Sagardui Osasuneko sailburuak herritarren 20 galdera bozkatuenei erantzungo die

Gotzone Sagardui Osasuneko sailburuak urriaren 26an erantzungo die herritarrek, Irekiaren webgunearen bidez, egingo dizkioten galderei, #SagarduiTopaketa ekimenaren barruan. Herritarrek kezka sortarazten dieten galderak egin ahal izango dituzte, Osasun Sailaren jarduerarekin lotutakoak. Sailburuak herritarren boto gehien jaso dueten 20 galderei erantzuna emango die. Emanaldi hori Youtubeko kanalaren eta Irekiaren bidez ikusi ahal izango da. Gobernu Irekiaren taldeak sustatutako ekimena da, eta helburu du euskal herritarren parte-hartzea bultzatea, bai eta Eusko Jaurlaritzako kideen arteko parte-hartzea eta interakzioa sustatzea ere.

Parte-hartze prozesu orotan bezala, zenbait mekanismo finkatu dira proposamenak edo galderak jasotzeko. #SagarduiTopaketa ekimenaren kasuan, 4 fase nagusi ezarri dira:

1. Galderen fasea: herritarrek galderak planteatzeko fasea, 2023ko irailaren 23tik urriaren 8ra.
2. Bozketa fasea: herritarren balorazioa galderei buruz,2023ko urriaren 9tik 19ra.
3. Ondorioen fasea: hautatutako 20 galderak argitaratuko dira, 2023ko urriaren 21etik 26ra.
4. Topaketa:#SagarduiTopaketa ekimenean, Gotzone Sagardui Osasuneko sailburuak erantzungo die herritarren boto gehien jaso dituzten 20 galderei, 2023ko urriaren 26a.

Emanaldian erantzuten ez diren galderak, lehenengo 20en artean egoteko puntuazio nahikorik lortu ez dutelako, Irekiaren webgunean erantzun eta argitaratuko dira 2023ko azaroaren 2a, eta Irekiaren sare sozialetan zabalduko dira, herritarrak jakinaren gainean egon daitezen.

Ez dago irekita hedabideentzat.