#TapiaTopaketa ekimenaren barruan, Arantxa Tapia Ekonomiaren Garapen, Jasangarritasun eta Ingurumeneko sailburuak herritarren 20 galdera bozkatuenei erantzungo die

Arantxa Tapia Ekonomiaren Garapen, Jasangarritasun eta Ingurumeneko sailburuak ekainaren 27an erantzungo die herritarrek, Irekiaren webgunearen bidez, egingo dizkioten galderei, #TapiaTopaketa ekimenaren barruan. Herritarrek egin ahal izango dituzte kezka sortarazten dieten galderak, Ekonomiaren Garapen, Jasangarritasun eta Ingurumen Sailaren jarduerarekin lotutakoak. Ekonomiaren Garapen, Jasangarritasun eta Ingurumeneko sailburuak erantzuna emango die herritarren boto gehien jaso duten 20 galderei. Emanaldi hori Youtubeko kanalaren, Facebookeko orriaren eta Irekiaren bidez ikusi ahal izango da. Gobernu Irekiaren taldeak sustatutako ekimena da, eta helburu du euskal herritarren parte-hartzea bultzatzea, bai eta horien eta Eusko Jaurlaritzako kideen arteko interakzioa sustatzea ere. 

Emanaldian erantzungo ez diren galderak, lehenengo 20en artean egoteko puntuazio nahikorik lortu ez dutelako, Irekiaren webgunean erantzun eta argitaratuko dira, eta Irekiaren sare sozialetan zabalduko dira herritarrak jakinaren gainean egon daitezen. Gobernu Irekiaren taldeak sustatutako ekimena da, eta helburu du euskal herritarren parte-hartzea bultzatzea, bai eta horien eta Eusko Jaurlaritzako kideen arteko interakzioa sustatzea ere. 

Parte-hartze prozesu orotan bezala, zenbait mekanismo finkatu dira proposamenak edo galderak jasotzeko. #TapiaTopaketa ekimenaren kasuan, 4 fase nagusi ezarri dira: 

1. Galderen fasea: herritarrek galderak planteatzeko fasea, 2022ko maiatzaren 25etik ekainaren 12ra.
2. Bozketa fasea: herritaren balorazioa galderei buruz, 2022ko ekainaren 13tik 20ra.
3. Ondorioen fasea: herritarrek gehien baloratzen dituzten 20 galderak hautatzea, 2022ko ekainaren 22tik 27ra .
4. Topaketa:#TapiaTopaketa ekimenean, Arantxa Tapia Ekonomiaren Garapen, Jasangarritasun eta Ingurumeneko sailburuak erantzungo die herritarren boto gehien jaso dituzten 20 galderei,  ekainaren 27an. 

Emanaldian erantzuten ez diren galderak, lehenengo 20en artean egoteko puntuazio nahikorik lortu ez dutelako, Irekiaren webgunean erantzun eta argitaratuko dira uztailaren 4an, eta Irekiaren sare sozialetan zabalduko dira, herritarrak jakinaren gainean egon daitezen. 

Ez dago irekita hedabideentzat.