EHU Quantum Center-en aurkezpena

Jokin Bildarratz Hezkuntza sailburuak, Eva Ferreira UPV/EHUko errektorearekin batera, unibertsitate publikoaren EHU Quantum Center zentroa aurkezteko ekitaldian parte hartuko du. Zentro honek kuantikako oinarrizko ikerketa, ikertzaileen prestakuntza eta ezagutzaren transferentzia –gizarteari eta enpresei- integratuko ditu.

Zentroaren helburua da fenomeno eta sistema kuantikoak aurkitzea eta aztertzea; Zientzia eta Teknologia Kuantikoari buruzko ezagutza zabaltzea; eta aplikazio teknologikoak garatzea. Ikerketa, prestakuntza eta transferentziaren arteko elkarrekintzaren bidez egingo du, bai tokian-tokian, bai nazioartean proiektatzeko asmo argiarekin.

Errektorearekin eta sailburuarekin batera aurkezpenean izango dira:

• Gonzalo Muga, EHU QC zentroko zuzendaria.
• Hitzaldia, Institute for Quantum Technologies in Occitanie institutuko zuzendarikide David Guery-Odelinen eskutik.
• Inmaculada Arostegui, UPV/EHUko Ikerketako errektoreordea

            EGUNA:   astelehena, maiatzak 23

            ORDUA:   11:30etan

            LEKUA:    Bizkaia Aretoa (Baroja aretoa)

                                    Abandoibarra, 3  - Bilbo