“2030 agenda eta garapen jasangarrirako helburuak. Gure politika publikoak eraginkorragoak egitea” Uda Kurtsoa

Kanpo Harremanetarako zuzendaritzak antolatuta, ekainaren 27 (osteguna) eta 28 bitartean (ostirala) Gasteizko Ekonomia eta Enpresa Fakultatean ospatuko da “2030 agenda eta garapen jasangarrirako helburuak. Gure politika publikoak eraginkorragoak egitea” Uda Kurtsoa.

Marian Elorzak bihar inauguratuko duen Uda Ikastaroa  Euskadiko Herri-administrazioaren teknikariei eta beste erakunde batzuekoei zuzenduta dato honako helburuekin:

Nazio Batuen Bartzar Orokorrak onarturiko Garapen Jasangarrirako 2030 Agenda eta Garapen Jasangarrirako Helburuak (GJH) deskribatu, eta geure lurraldetik garapen iraunkorrari nola lagundu diezaiokegun hausnartu. Horrek berekin dakar eztabaida dagoela 2030 Agendaren helburuak lortzeko Euskadiko Herri-administrazioak dituen zereginen inguruan.

2030 Agendak Euskadiko Herri-administrazioari aurkezten dizkion aukerak adierazi. Horretarako, Euskadi Basque Country 2030 Agenda funtsezko osagaia izango da.

Inplementazioa egiteko erabiltzen ari diren estrategiak aurkeztu, estrategia publikoei aipamen berezia eginez, parte hartzaileek edukiak eta ikuspeia beraien lan guneetan gehitzeko aukera izan dezaten.

Euskadiko herri-administrazioaren langileei prestakuntza eskaini 2030 Agendari eta politika publikoak ezartzeko eta diseinatzeko agenda horrek dakartzan erronka berriei buruz.