Prentsaurrekoa: Euskara udan. Euskaltegien eskaintza zabala.

Patxi Baztarrikak, Hizkuntza Politikarako sailburuordeak, eta Joseba Erkiziak, HABEko zuzendariak, udan euskara ikasteko dauden aukera ezberdinak aurkeztuko dituzte astelehenean Bilbon dagoen Euskadiko Artxibo Historikoan. Ekitaldian Jon Urdangarinek, barnetegien ordezkariak, Juan Carlos Murillok, euskaltegi pribatu homologatuen ordezkariak, eta Mª Paz Martinek, udal euskaltegien ordezkariak, parte hartuko dute ere.

Hala ere, hauek ez dira ekitaldiko protagonista bakarrak izango. Izan ere, beste lau pertsona ezagun igoko dira taula gainera beren esperientziak kontatzera. Euskararen gainean izan dituzten bizipenak kontatuko dizkigute. Pertsona hauek dira: Reyes Prados, ETBko aurkezlea, Aitor García Erauzkin, Euskalteleko presidentea, Gemma Zabaleta, Enplegu eta Gizarte Politiketako sailburua izandakoa, eta Javier Ruiz de Larrinaga, 2014ko Espainiako ciclo-cross txapelduna.

            Noiz:    2014ko ekainaren 30ean

            Ordua:  10:30tan

            Non:     Euskadiko Artxibo Historikoan. María Díaz de Haro, 3. Bilbon