NEIKERek jardunaldi estrategiko bat antolatzen du TEDY (Trantsizio agroekologikoa Europako esne-behi ganadu sisteman) Europako proiektuaren barruan

Ekimen honek, nazioarteko 11 bazkiderekin elkarlanean, esne-ekoizpen sistemen eraldaketa babesten du, EBko jasangarritasun-helburuekin bat eginez.

Proiektuaren helburua esne-sektorearen ingurumen-, ekonomia- eta gizarte-jasangarritasuna hobetuko duten ikuspegi agroekologiko praktikoak esploratzea eta sustatzea da. TEDYren ikuspegia Europako esne-abeltzaintzarako etorkizun jasangarriagoa eta sendoagoa lortzen laguntzea da; bertan, abeltzainek, ikertzaileek eta komunitateek natura eta bizimoduak errespetatuko dituzten konponbideak garatzeko elkarrekin lan egingo dute.

Topaketa honekin proiektuaren Living Lab-a abiatuko da Euskadin. Lankidetza-ekosistema hau erronka komunak identifikatzeko eta ekintza estrategikoak elkarrekin diseinatzeko gune gisa sortu da. Saioan zehar, sektoreko kideei egindako inkesten emaitzak aurkeztuko dira eta arazoen mapaketa kolektiboa egingo da lehentasunak finkatzeko eta ganadutegien maneiuan berrikuntza-lerroak zehazteko.

Talde-lana eta esperientzia-trukea bultzatzeko, tailerra amaitu ondoren bazkari bat eskainiko zaie bertaratutako guztiei, informazioa partekatzen jarraitzeko giro atseginean.

NORI ZUZENDUA: Esne-behi sektorean esperientzia eta ezagutza teknikoa duten profesional, abeltzain eta eragileei.

EGITARAUA

10:00 – 10:30 | Harrera eta ongietorri kafea.
10:30 – 11:10 | Jardunaldiaren irekiera eta testuinguruan jartzea.
11:10 – 11:40 | Esne-behi sektoreko eragileei egindako TEDY inkestaren emaitzak.
11:40 – 12:20 | Arazoen mapaketa kolektiboa + lehenestea.
12:30 – 14:00 | Living Lab-aren diseinu parte-hartzailea.
14:00 – 14:30 | Hurrengo urratsak eta itxiera.