Araua onestea beharrezko eta egoki den
Nekazari Gazteen Esatatutuari buruzko otsailaren 4ko 8/2014 Dekretuak, besteak beste, gazteak nekazaritza-sektorean sartzeko beharraz arduratzen da.
Sektorearekin egindako hainbat bileratan, agerian geratu da aldatu nahi den dekretuak araututako hainbat alderdi eguneratu behar direla arau-proiektu honen bidez.
Arauaren helburuak
Araua xede diren pertsonen eta sektorearen ordezkaritza egokia bultzatzea, horien aldeko neurrien eraginkortasuna hobetzea eta gaur egun sortzen diren beharrei erantzutea.
Konpondu nahi diren arazoak
Testua egokitzea Emakume Nekazarien Estatutuaren urriaren 15eko 8/2015 Legera, nekazari gazteak nekazaritzaren arloan elkarteetara sar daitezen sustatzea eta ordezkapen-modalitateak gehitzea egoera batzuetan.
Ea beste konponbiderik badagoen arauketa erabiliz edo beste nolabait
Gazte nekazarien estatutua arautzen duen dekretua egungo beharretara egokitzeko beste irtenbiderik ez dago, hura aldatzea baino.
