Eusko Jaurlaritzako Hezkuntza Sailak xedapen orokor bat egiteko proiektua egiteko prozedura hastea aurreikusi du, Euskal Autonomia Erkidegoan derrigorrezko irakaskuntzen baliokideak diren atzerriko hezkuntza-sistemetako irakaskuntzak ematen dituzten ikastetxeetan Espainiako eta Euskal Herriko hizkuntzaren eta kulturaren irakaskuntzen curriculuma eta gutxieneko ordutegia finkatzeko. Proiektuak 2012ko martxoaren 12ko Agindua ordezkatuko du.
Administrazio Publikoen Administrazio Prozedura Erkidearen urriaren 1eko 39/2015 Legearen 133.1 artikuluan jasotzen den bezala, nahitaezkoa da kontsulta publiko bat egitea administrazio eskudunaren web-atariaren bidez, arau-xedapenaren proiektua egin aurretik.
Hezkuntza Sailak eskerrak eman nahi ditu aurretiazko kontsulta publikoaren fase honetan parte hartzeagatik. Administrazio Publikoen Administrazio Prozedura Erkidearen urriaren 1eko 39/2015 Legearen 133.1 artikuluan ezarritakoaren arabera, erregelamendua egin aurretik, aurretiazko kontsulta publikoa egin da https://www.euskadi.eus web-atarien bidez (Iragarki taula elektronikoa eta Irekia), eta, horietan, etorkizuneko arauak uki ditzakeen pertsona eta erakunde ordezkatzaileen iritziak eskatu dira.
