Gobernuaren proposamenak Enplegua eta Gizarte Politikak
Hitzaurrea

Enplegu eta Gizarte Politiketako Sailak lehen Safer Internet Day lehiaketarako deialdia egin du.
Lehiaketa bera Europako Batasunaren Safer Internet programatik dator, eta helburua zein duen? Umeek eta nerabeek Internet, sare sozialak eta teknologia berriak zentzuz eta arduraz nola erabiltzen dituzten erakusten duten ikusentzunezkoak -edonolakoak- aitortu, balioetsi eta bultzatzea.

Aurkezten diren proiektuetan, gazteek Internet, sare sozialak eta teknologia berriak nola erabiltzen dituzuen erakutsi behar da, betiere alde onetik begiratuta, hau da, zuei onetik zer ematen dizueten erakutsiz. Eta beste gauza bat ere bai: arduraz eta arriskurik gabe nola erabiltzen dituzuen erakutsi behar duzue. Azken batean,  kontua da tresna digitalen erabilera erakustea, baina onerako jarrita eta segurtasunaren ikuspegitik.

Kalitate teknikoa edo artistikoa baino gehiago, mezua dugu baloratuko, gogoeta eragiteko gaitasuna, hizkuntzaren erabilera, eta denok berdin parte hartu izana. Kontuan hartuko den beste gauza bat aurkeztutako proposamenen originaltasuna izango da.

Edozein adierazpide edo diziplina artistiko onartuko dugu (musika, antzerkia, dantza, performanza...), baina, hori bai, ikusentzunezko formatuan aurkeztu behar da beti (irudia eta hotsa).

Iraupena, berriz, bi minutu eta erdikoa izango da gehienez.

 

Parte hartzaileak

Nor aurkez daiteke? Euskal Autonomia Erkidegoko Lehen Hezkuntzako 3. mailatik Derrigorrezko Bigarren Hezkuntzako 4. mailara bitartean ikasten duten adingabeak.

Heldu baten laguntza beharko dute; beraz, lehiaketa hau ikastetxe eta aisialdi-entitateen artean zabaltzen dugu.

Parte-hartzea taldeka izango da:

  1. Ikastetxeetan, parte-hartzea gelaka izango da. Irakasle edo tutore baten laguntza beharko dute.
  2. Aisialdi-entitateetako parte-hartzea ikastetxeetakoaren parekoa izan dadin, taldeka aurkeztuko dira; baina, talde bakoitzak gehienez 25 pertsonak osatuko dute. Horrez gain, talde berean adin eta hezkuntza-maila desberdineko pertsonak egon daitezke, baldin eta kategoria berdinean badaude; bestela, taldeak 2. kategorian parte hartuko du derrigor. Begirale baten laguntza beharko dute. Hemendik aurrera, “aisialdi-taldea” aipatzean, paragrafo honetan xedatutako baldintzetan sortutako taldeaz ari garela ulertuko da.

Parte-hartzeko bi kategoria egongo dira:

- 1. kategoria: Lehen Hezkuntzako 3. mailatik 6. mailara bitarteko ikasleak (ikasgela zein aisialdi-talde gisa parte hartuz).

- 2. kategoria: Derrigorrezko Bigarren Hezkuntzako 1. mailatik 4. mailara bitarteko ikasleak (ikasgela zein aisialdi-talde gisa parte hartuz).

 

Proiektuak aurkezteko epea

Lehiaketa 2016ko otsailaren 9an hasiko da (Safer Internet Day), eta 2016eko apirilaren 25ean amaituko (bi egunak barne). Lehiaketak irauten duen bitartean igo beharko dituzue ikusentzunezko proiektuak Youtubera. Eta datuak emateko emaila ere lehiaketak irauten duen bitartean bidali behar duzue saferinternetday@euskadi.eus helbidera.

 

Oinarriak www.euskadi.eus/zeukesan helbidean. 

Informazio gehiago: http://www.gizartelan.ejgv.euskadi.eus/egonlineu/-/adingabe/  

--------------------------------------------------

 

Egitasmoak aurkezteko aldia amaitu ondoren, 11 taldek hartuko dute parte 1. mailan, honako ikastetxe hauetakoak: Lauaxeta Ikastola, Floreaga Salestar Ikastetxea, Axular Lizeoa eta Maria eta Jose Ikastetxekoak, hain zuzen

2. mailan 31 egitasmo aurkeztu dira, honako ikastetxe hauetakoak: San Bizente Ikastola, San Ignacio Ikastetxea, Jesuitak, Grupo Joven de ASPASOR-Araba, Sagrado Corazón Mundaiz Ikastetxea, Aula joven-Gazte Gela Portugalete ;Oinak taldea-Ama Lur Eskaut Taldea Portugalete, Azkorri Ikastetxea, Txispeleta Eskaut Taldea, IES Cruces, Club Balonmano Akartza Claret, La Salle Legazpi Ikastetxea, BalmaZ Balmaseda Gaztea eta Uzturpe Ikastolakoak.

Egitasmoak aurkezteko epea itxita, epaimahaiak eztabaidatuko du bi mailetan aurkeztutako lanez:

1.kategoriako proiektuak

2.kategoriako proiektuak

 

---------------------------------------------

Hona hemen proiektu finalisten izenak! Zorionak!

1.Kategoriako Finalistak

2. Kategoriako Finalistak

#SID2016Lehiaketa
Zerikusia duten berriak