2022ko irailaren 22 zein 2022ko azaroaren 30eko Hezkuntzako sailburuaren Aginduek karrerako funtzionario izendatzearen eta destinoak esleitzearen inguruan ezarritakoa betetzea

Urtzi agurgarria,
Irakasleen kidegoetan iraupen luzeko aldi baterako enplegua egonkortzeko prozesuetan, 2022ko irailaren 22ko eta 2022ko azaroaren 30eko Aginduen bidez deitutakoetan, hautatutako pertsonak karrerako funtzionario izendatuko dira –bi agindu horien 9. oinarriak ezartzen duen eran-, izendapenerako baldintzak betetzen dituztela egiaztatu ondoren. Une horretatik aurrera, nahitaez parte hartu beharko dute behin betiko destinoa lortzeko hurrengo lekualdatze-lehiaketan, behin betiko destinorik gabeko karrerako funtzionarioentzat aurreikusitako ohiko bideari jarraituz.
Zalantza argitua gelditu delakoan, mila esker zure eskaerak Irekiaren bidez helarazteagatik.