Eu

Gobernu Kontseiluak biotopo babestu izendatu du Bizkaiko Meatzaldea

2015.eko martxoak 10

Gobernu Kontseiluak biotopo babestu izendatu du gaur Bizkaiko Meatzaldea, XX. mendearen hasierara bitartean burdin esplotazioaren agertoki izan zena eremu zabal batean. Hori dela eta, bertako paisaia oso berezia da egun, meatzaritzari eta bere ondare kulturalari erabat lotua. Aipatutakoaren erakusle onenetarikoa Trianoko mendiak edo Grumerango mendigunea deitutako ingurunean aurki dezakegu.

 

Ana Oregi Eusko Jaurlaritzako Ingurumen eta Lurralde Politikako sailburuak nabarmendu bezala, «paisaiaren eta geomorfologiaren ikuspuntutik aztertuta, ingurunearen modelaketa karstikoaren kanpo adierazpen ugari daude Bizkaiko Meatzaldean, dolinak, iturriak eta hobiak adibidez. Lurpean, gainera, Euskal Autonomia Erkidegoko haitzulo dentsitate handienetarikoa aurki daiteke».

 

Onartutako Bizkaiko Meatzaldea biotipo babestuak 977,5 hektareako azalera du Bizkaiko Galdames eta Gueñes udalerrien artean banatuta, eta Trianoko mendien zatirik handiena hartzen du baitan.

 

Ingurumen eta Lurralde Politika Sailak bultzatutako dekretuak, «unitate integratu gisa hartzen du ingurunea, aukera paregabea dena unitate geomorfologiko osoa, bai endokarsta bai lurrazala, kontuan hartuko duten plangintzak aurrera eramateko, dagokion prozesu eta interrelazio guztiak aztertu ondoren betiere.

 

Karsta bera alde batera utzita, burdina ateratzeko ireki ziren orbainek hortxe diraute, eta, hain zuzen ere, orbain horiek dira ingurunearen erakargarri handienetarikoa paisaiari dagokionez. Kareharriaren berezko egiturak paisaia oso berezia sortu du, burdinazko zainak husteko meatzariek egindako mozketa ikusgarrien ondorioz».  Oregik berak nabarmendu duenez, burdinazko zain horiek interes geologikoko gune gisa identifikatu dira EAEko Inbentarioan 141. kodearekin –“Burdinazko zainak Laia-El Saucon (Galdames)”–.

 

Ingurunearen balio kulturalari dagokionez, Trianoko mendietan kultur ondasun gisa aitortutako hainbat monumentu eta haizeola ugari daudela nabarmendu behar da. Hain zuzen ere, mendiko burdinola horiek Erdi Arotik industria modernoa garatu bitarte inguruotan emandako meatzaritza jardueren lekuko dira.

 

Bizkaiko Meatzaldea biotipo babestu izendatu izanak inguruko paisaia babestea eta aintzat hartzea bermatuko du aurrerantzean, degrada dadin saihestuz. Era berean, ondare natural eta geologikoaren kontserbazioa bermatuko du –endokarstarena zein exokarstarena–, baita ondare kulturalarena ere –tartean ondare arkeologikoa eta meatzaritzarekin lotutako aztarnak–. Dekretuak ingurunean ematen diren erabilpen tradizionalak mantendu eta garatuko ditu jasangarritasun irizpideetan oinarrituta eta ingurune naturalean egin daitezkeen aisialdi eta erabilpen publikoko jarduerak ere arautuko ditu, betiere ingurunearen kontserbazioarekin bateragarriak direla kontuan izanik. 

 

3 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @SEO_Betsaide
    2015.eko martxoak 13

    Comentario de Twitter:
    El Consejo de Gobierno declara Biotopo Protegido a Meatzaldea–Zona Minera de Bizkaia http://t.co/v7IkKJyWML

  • @OndaHostil
    2015.eko martxoak 11

    Comentario de Twitter:
    RT @museomineropv: Gobernu Kontseiluak biotopo babestu izendatu du Bizkaiko Meatzaldea. http://t.co/GzcwpsmZQW

  • @herbelste
    2015.eko martxoak 11

    Comentario de Twitter:
    RT @museomineropv: Gobernu Kontseiluak biotopo babestu izendatu du Bizkaiko Meatzaldea. http://t.co/GzcwpsmZQW

Komunikabideek behera kargatzeko
Ekitaldiko kargudunak
(X legealdia 2012 - 2016)